Friday, September 15, 2006

ഒരു ചതുരത്തിലും വ്യക്തികള്‍ വ്യക്തികളല്ല

ഒരു ചതുരത്തിലും വ്യക്തികള്‍ വ്യക്തികളല്ല
നിമിഷങ്ങളും മണിക്കൂറുകളുമായി കഷണിയ്ക്കുന്ന വളര്‍ച്ചകളാണ്‌...
ഭോഗത്തിന്റെ സുരക്ഷിതത്വവും വ്യഥകളും മാത്രം
മുറികള്‍ അവര്‍ക്കു നല്‍കുന്നു...
ആരും ആരുടേതുമല്ല
എല്ലാവരും എല്ലാവരുടേതുമാണ്‌...


എല്ലാവരും കാത്തിരിപ്പാണ്‌...
ഒരു ചിരിയെ, ഒരു പെണ്‍സ്പര്‍ശത്തെ,
ഭാവിയെ, ഒരു വിപ്ലവത്തെ,
മഴയെ, വെയിലിനെ...
ഒരിക്കലും വരാത്ത എന്തോ ഒന്നിനെ...
ഈ ചതുരത്തില്‍
‍കൈപ്പിടിയില്‍ മുറുകെപ്പിടിച്ച
അന്തഃസംഘര്‍ഷങ്ങളുടെ ഉഷ്ണക്കാറ്റില്‍
വൃത്തങ്ങളില്‍
‍എല്ലാവരും കാത്തിരിപ്പാണ്‌...

സായാഹ്നങ്ങള്‍ രാത്രികളാവുന്നു...
ചെറിയ സന്തോഷങ്ങള്‍ പോലുംആരും പകരം വെയ്ക്കുന്നില്ല...
എങ്കിലും, സംഭവങ്ങള്‍ സംഭവിക്കേണ്ടതാണ്‌...!!!

0 Comments:

Post a Comment

Links to this post:

Create a Link

<< Home